Актыўныя сьледчыя дзеяньні ў справе праваабаронцы Андрэя Бандарэнкі прыпыніліся. Пра гэта паведаміла праваабаронца з «Плятформы інавэйшн» Алёна Красоўская-Касьпяровіч са спасылкай на зьвесткі ад адваката Бандарэнкі.
У менскім ізалятары на Акрэсціна ўтрымліваюць ня менш за 12 вязьняў, адносна якіх, паводле праваабаронцаў, быў ужыты прэвэнтыўны арышт напярэдадні Чарнобыльскага шляху і чэмпіянату сьвету па хакеі.
Актывіст «Эўрапейскай Беларусі» Максім Вінярскі пачаў піць ваду, але не спыніў галадоўку на знак пратэсту супроць арышту, які ён лічыць незаконным.
У Курапатах адбылася акцыя, падчас якой яе ўдзельнікі прайшлі «Дарогай сьмерці». У акцыі бралі ўдзел больш за 20 актывістаў.
