З 8 ліпеня цягам 10 дзён былы палітвязень Мікалай Аўтуховіч будзе пад наглядам лекараў вайсковага шпіталя.
У палітвязьня Эдуарда Лобава скончылася навучаньне на зваршчыка, якое ён праходзіў у івацэвіцкай калёніі. Падчас званку дамоў Эдуард Лобаў паведаміў, што пасьпяхова здаў экзамэн і атрымаў дыплём, які адразу забралі.
Васіля Парфянкова пакаралі карцэрам на 5 сутак за адмову выйсьці на «добраахвотныя працы».
У Менску затрыманы кіраўнік ініцыятывы «Альтэрнатыва» Алег Корбан. Суд над актывістам адбудзецца ў панядзелак.
У менскім офісе БНФ адбыўся маратон салідарнасьці з былым палітвязьнем Рыгорам Кійко, якому патрэбная тэрміновая апэрацыя ў сувязі зь цяжкім анкалягічным захворваньнем.
1 ліпеня ў Барысаве адбыўся суд, які вырашыў не падаўжаць з 15 ліпеня прэвэнтыўны нагляд над былым палітвязьнем Аляксандрам Малчанавым.