Паводле афіцыйнай інфармацыі, выбары ў Палату прадстаўнікоў адбыліся ва ўсіх 110 акругах. Паводле апошняй інфармацыі, удзел у выбарах узялі 74,3% выбарцаў. Арганізатары байкоту заяўляць, што выбары ў Беларусі не адбыліся, бо яўка склала 38,7% выбарцаў.
Памёр мастак, сябра суполкі «Пагоня» Генадзь Асташонак. Яму было 57 гадоў, прычына сьмерці – рак. Яго пахавалі сёньня на могілках у вёсцы Шыпяны Смалявіцкага раёна.
Як ставіцца да таго, што, паводле афіцыйных дадзеных, Віцебская вобласьць апярэдзіла ўсе астатнія ў датэрміновым галасаваньні, кандыдат у дэпутаты Віктар Цярэшчанка (Шаркоўшчынская акруга)? Ён мяркуе, што тут спрацаваў найперш адміністрацыйны рэсурс.
Былы дэпутат Вярхоўнага Савету і Палаты прадстаўнікоў Вольга Абрамава сказала, што прыйшла на выбарчы ўчастак і перакрэсьліла свой бюлетэнь тлустымі лініямі з двух бакоў, так, што не заўважыць гэта немагчыма.
Пасьля галасаваньня на выбарчым участку кіраўнік краіны Аляксандр Лукашэнка заявіў журналістам, што месяц таму на яго імя паступілі два хадайніцтвы аб памілаваньні ад двух асуджаных за падзеі 19 сьнежня 2010 году. Пазьней у прэзыдэнцкай прэс-службе ўдакладнілі, што гаворка ідзе пра Сяргея Каваленку і Паўла Сырамалотава.
Аляксандар Лукашэнка сказаў, што месяц таму на яго імя паступілі два хадайніцтвы аб памілаванані ад двух асуджаных за падзеі 19 снежня 2010 года падчас прэзыдэнцкіх выбараў.
Два швэдзкія журналісты, Эрык Ван Платэн і Густаў Андрэсан, правялі ноч у нацыянальным аэрапорце «Менск». Ім не далі візу і акрэдытацыю для асьвятленьня выбарчай кампаніі.
22 верасьня назіральнікі АБСЭ правялі сустрэчы з прадстаўнікамі апазыцыйных партый і рухаў.
У датэрміновым галасаваньні на выбарах у Палату прадстаўнікоў з 18 па 21 верасьня прынялі ўдзел 19,6% выбаршчыкаў.
