Кажуць, што гісторыя ня мае ўмоўнага ладу, што пытаньне "што было б, калі б…" ня мае сэнсу. Але спрадвеку людзі раз за разам задаюць сабе яго. Чаму? Пэўна, таму, што сьвет, зразумела, мяняецца, але мяняецца ня цалкам, тыя ці іншыя сытуацыі ў той ці іншай ступені паўтараюцца, і пытаньне "што было б, калі б…" часам насамрэч ёсьць пытаньнем "што будзе, калі ранейшы выбар паўторыцца, які будзе плён выбару на карысьць іншага варыянту?"
