Радыё Свабода “Восьмае сакавіка па-ранейшаму застаецца дзяржаўным сьвятам у Беларусі, а таму Аляксандар Лукашэнка не плянуе аніякіх агітацыйных мерапрыемстваў”, – паведаміў Радыё Свабода прадстаўнік ягонага выбарчага штабу Дзьмітры Косьцін. Пра выходны дзень усёй каманды прыхільнікаў заявіў таксама Сяргей Гайдукевіч. Падрабязнасьці свайго візыту ў Нямеччыну раскажа сёньня ў Менску Аляксандар Казулін. Паводле праграмы Аляксандра Мілінкевіча, у 12.00 у менскім кінатэатры “Бярэсьце” адбудзецца яго першая сустрэча з выбарцамі, а наступная – у 15.00 у Палацы культуры трактарнага заводу. А як плянуюць сёньня працу рэгіянальныя штабы?
