Віншаваў ці не павіншаваў Мядзьведзеў Лукашэнку?

Прэс-служба Лукашэнкі кажа, што павіншаваў. Прэс-служба Мядзьведзева кажа, што не.

Чаму Мядзьведзеў дагэтуль не павіншаваў Лукашэнку?

Чаму прэзыдэнт Расеі Дзьмітры Мядзьведзеў, у адрозьненьне ад некаторых іншых кіраўнікоў дзяржаў, дагэтуль не павіншаваў зь «перамогай» Аляксандра Лукашэнку? Чаму Ўладзімер Жырыноўскі заяўляе, што Лукашэнка прайграў гэтыя выбары, рэальна атрымаўшы 30 працэнтаў, а пасол Расеі Аляксандар Сурыкаў назваў перамогу Лукашэнкі цалкам лягічнай? На гэтыя пытаньні адказвае з Масквы палітоляг, дацэнт Маскоўскага дзяржаўнага інстытуту міжнародных адносін Кірыл Коктыш.

«Захад мусіць не прызнаваць пагадненьні, якія падпіша нелегітымны кіраўнік краіны»

Як эўрапейскія структуры вымушаныя будуць мяняць сваё стаўленьне да афіцыйнага Менску пасьля таго, што адбылося 19-20 сьнежня? Ці працягнецца стратэгія дыялёгу зь беларускімі ўладамі ці зноў будзе адноўлена палітыка санкцыяў? Ці стануць затрыманыя кандыдаты ў прэзыдэнты чыньнікам таемнай дыпляматыі, ці будуць эўрапейскія палітыкі патрабаваць іхняга вызваленьня ў абмен на нешта? На гэтыя пытаньні адказвае палітоляг Алесь Лагвінец.

Што здарылася з Раманчуком?

«Будзе нейкая паказальная фаза рэпрэсіяў»

Ці можна сказаць, што сваёй прэсавай канфэрэнцыяй Аляксандру Лукашэнку ўдалося згладзіць нэгатыўнае ўражаньне, што засталося ад хады правядзеньня выбараў і асабліва — ад падзеяў на Плошчы Незалежнасьці? Ці ёсьць нейкія падставы меркаваць, якую палітыку будзе праводзіць Лукашэнка пасьля свайго чарговага пераабраньня? На гэтыя пытаньні адказвае палітоляг Аляксандар Класкоўскі.

Натальля Цярэшчанка: "Гэта добра, што сярод кандыдатаў няма жанчын"

Мы заканчваем сэрыю гутарак з жонкамі і нявестамі кандыдатаў у прэзыдэнты, якія ў прэзыдэнцкай кампаніі дзеляць са сваімі мужчынамі ўсе цяжкасьці выбарчых баталіяў. Нам пагадзіліся даць інтэрвію Натальля Цярэшчанка, Ларыса Кастусёва, Наста Рымашэўская і нявеста Яраслава Раманчука Алеся Емельянава. Астатнія жонкі кандыдатаў у прэзыдэнты засталіся зачыненымі для прэсы..

«Правакацыі менш за ўсе патрэбныя апазыцыі»

Старшыня КДБ Вадзім Зайцаў заявіў, што «некаторыя прадстаўнікі апазыцыі спрабавалі закупіць электрашокеры, пэтарды, газавыя балёнчыкі, мэталічныя штыры ды іншыя небясьпечныя рэчы». Прозьвішчаў грамадзянаў, якія спрабавалі рабіць такія закупы, старшыня КДБ не назваў. Таксама не было сказана, дзе і калі мела месца такая спроба. Чаму ўлады за некалькі дзён да выбараў зноў прыбягаюць да тых самых мэтадаў запалохваньня, якія былі і на мінулых прэзыдэнцкіх выбарах? Якая асноўная мэта такіх заяваў — зьняславіць апазыцыю ў вачах большасьці альбо зьнізіць патэнцыйную колькасьць удзельнікаў акцыі 19 сьнежня на Плошчы? На гэтыя пытаньні адказвае былы старшыня Вярхоўнага Савету Мечыслаў Грыб.

Чаму Лукашэнка абрынуўся на міжнародных назіральнікаў?

«Улады спахапіліся, вырашылі дадаць перцу і страху»

Аляксандар Лукашэнка патрабуе ад правахоўных органаў не паддавацца на правакацыі і надзейна забясьпечыць абарону грамадзянаў падчас выбараў. Пра гэта Лукашэнка заявіў 15 сьнежня на нарадзе па пытаньнях прэзыдэнцкай кампаніі і забесьпячэньні грамадзкай бясьпекі. «Рэакцыя праваахоўных органаў, ды і ваенных, павінна быць адэкватнай і жорсткай», — заявіў Лукашэнка. Як можна ацаніць гэтыя ды іншыя заявы кіраўніка дзяржавы? На каго яны накіраваныя? На гэтыя пытаньні адказвае рэдактар інтэрнэт-газэты «Салідарнасьць» Аляксандар Старыкевіч.