Аляксандар Лукашэнка сёньня заявіў, што Беларусь гатовая вельмі жорстка адказаць на эўрапейскія санкцыі супраць афіцыйнага Менску. «Гэтыя санкцыі, якімі вы размахваеце перад нашым носам, мы пакуль трываем. Але як толькі вы пераступіце чырвоную лінію, мы адкажам вельмі жорстка», — заявіў кіраўнік Беларусі. Беларускія апазыцыйныя палітыкі лічаць, што такім эпатажным чынам Лукашэнка паказвае сваю гатоўнасьць да дыялёгу з Эўропай.
