Радыё Свабода Напрыканцы ліпеня плянуецца візыт у Беларусь прэзыдэнта Вэнэсуэлы Уга Чавэса. Пра гэта заявіў кіраўнік вэнэсуэльскай дэлегацыі, якая знаходзіцца ў Менску, амбасадар Вэнэсуэлы на Кубе Адан Чавэс Фрыяс, брат дзейнага прэзыдэнта краіны. Амбасадар заявіў, што ў сфэры замежнапалітычнага супрацоўніцтва Вэнэсуэла й Беларусь маюць агульныя інтарэсы. Адным з важнейшых зьяўляецца “жаданьне процістаяць агрэсіўнай палітыцы паўночнаамэрыканскай імпэрыі”. Паводле пасла Вэнэсуэлы, інтэграцыя краінаў сьвету дзеля супраціву дыктату ЗША — неабходная ўмова для іх пасьпяховага разьвіцьця.
