У часе рэстаўрацыі тэатру імя Янкі Купалы ў Менску пры дапамозе цяжкай тэхнікі разбураная задняя частка будынка, дзе якраз месьцілася сцэна. Экспэрты Таварыства аховы помнікаў неадкладна заявілі, што ў адначасьсе зруйнавана ўсё, што было вартага ў гэтым будынку — сьведчаньне ягонай аўтэнтычнасьці. Між тым кіраўніцтва тэатру запэўнівае, што рэканструкцыя і рэстаўрацыя будынка адбываецца пад іх пільным кантролем і строга ў адпаведнасьці з праектнай дакумэнтацыяй.
