Ігар Карней, Менск У Партугаліі пачаўся саміт Расея — Эўразьвяз. А напярэдадні ў Лісабоне ад імя Расеі распаўсюджаны праект дакумэнту, у якім прапануецца абмежаваць паўнамоцтвы назіральнікаў АБСЭ на выбарах у краінах СНД. Паведамляецца, што ўлады Расеі ўзгаднілі гэты праект з кіраўніцтвам Армэніі, Беларусі, Казахстану, Кіргізіі, Таджыкістану і Ўзбэкістану 5 кастрычніка падчас саміту ў Душанбэ. У адпаведнасьці зь ім, назіральнікі ад АБСЭ павінны ажыцьцяўляць маніторынг выбараў у краінах-сябрах арганізацыі без падзелу на катэгорыі. У выпадку ўхваленьня дакумэнту краінамі АБСЭ, у СНД будуць дасылацца не пашыраныя місіі колькасьцю ад паўтысячы чалавек, а стандартныя — паўсотні экспэртаў.