Уладзімер Глод, Менск 27 сьнежня на пасяджэньні Цэнтральнай выбарчай камісіі былі зарэгістраваныя ўсе восем ініцыятыўных групаў патэнцыйных кандыдатаў у прэзыдэнты. Пры гэтым група Зянона Пазьняка, якая, паводле афіцыйнай інфармацыі Цэнтравыбаркаму, перадала неабходныя дакумэнты самая першая, атрымала апошні — восьмы нумар. Гэта здарылася таму, што заяўку Зянона Пазьняка, якую ЦВК назвала спрэчнай, разглядалі апошняй.