Ул.інф. "Сёньняшняя сытуацыя ў Беларусі хвалюе ўсіх суседзяў, усіх сяброў краіны і беларускага народа", - заявіў дакладчык Парлямэнцкай асамблеі Рады Эўропы па Беларусі Азім Малазадэ
Юрый Дракахруст, Прага У аўганскім горадзе Джэлалабадзе ўчора пачаліся беспарадкі. Прычынай выступаў стала паведамленьне амэрыканскага часопісу Newsweek пра тое, што амэрыканскія сьледчыя на базе Гуантанама на Кубе, дзе ўтрымліваюцца палонныя талібы, пры допытах апаганьваюць Каран – сьвятую кнігу мусульманаў. Учора аўганская паліцыя адкрыла агонь па ўдзельнікам пратэстаў, ня менш як чацьвёра забітыя, каля 50 чалавек параненыя.
Сяргей Астраўцоў, Горадня Сёньня ў Горадні ў Кастрычніцкім раённым судзе судзілі шасьцярых ўдзельнікаў ланцуга неабыякавых людзей, які адбыўся 7 траўня з нагоды шостых угодкаў зьнікненьня Юрыя Захаранкі. Іх абвінавацілі ў тым, што яны ўдзельнічалі ў несанкцыянаваным пікеце. Прысуд шасьцярым гарадзенцам, якія правялі акцыю, прысьвечаную ўгодкам зьнікненьня Юрыя Захаранкі, абвесьцяць 16 траўня ў 15.30. Такое рашэньне сёньня пры канцы дня прыняла судзьдзя Кастрычніцкага суду Горадні Зінаіда Барцэвіч. Вырашана дадаткова вывучыць справу ўдзельнікаў ланцугу неабыякавых людзей.
Алесь Дашчынскі, Менск Афіцыйная Грузія гатова дапамагаць дэмакратыі ў Беларусі Падчас размовы з прэзыдэнтам Грузіі Міхаілам Саакашвілі старшыня Аб’яднанай грамадзянскай партыі Анатоль Лябедзька абмеркаваў некалькі стратэгічных кірункаў: стварэньне вялікай дэмакратычнай кааліцыі ў справе Беларусі, магчымая супраца дэмакратычных сілаў абедзьвюх краін і тое, як прыцягнуць увагу міжнароднай супольнасьці да сытуацыі ў Беларусі.
Юры Сьвірко, Кіеў Украінскі міністар замежных справаў Барыс Тарасюк, падсумоўваючы на сёньняшняй прэсавай канфэрэнцыі вынікі першых 100 дзён свайго знаходжаньня на пасадзе кіраўніка МЗС, заявіў, што новая палітыка Ўкраіны ў дачыненьні да Беларусі застанецца нязьменнай. Ён таксама пацьвердзіў пляны правесьці новую Ялцінскую канфэрэнцыю, якую прапанаваў склікаць грузінскі прэзыдэнт Міхаіл Саакашвілі для прасоўваньня дэмакратыі на постсавецкай прасторы. Спадар Тарасюк таксама сказаў, што нічога ня ведае пра мажлівы візыт Аляксандра Лукашэнкі ў Кіеў у будучыні.
Казімер Яноўскі, Гомель Суд у Гомелі не задаволіў патрабаваньняў дэпутата гарсавету Юрыя Глушакова, а таксама М.Багдановіч і Д.Шкрабава прызнаць незаконнай забарону гарвыканкаму на мітынг
Валер Каліноўскі, Менск Афіцыйная рэакцыя беларускіх уладаў на апошнія вострыя выказваньні кіраўнікоў краінаў Балтыі і ЗША на беларускую тэматыку выклікалі рэзкую рэакцыю афіцыйнага Менску. Ня менш вострыя заявы прэзыдэнта Грузіі пакуль вывучаюцца ў МЗС Беларусі.
Алесь Дашчынскі, Менск 10 траўня завяршыўся візыт у Тбілісі старшыні Аб''яднанай грамадзянскай партыі Анатоля Лябедзькі. Цягам двух дзён ён правёў шэраг сустрэчаў з афіцыйнымі асобамі, у тым ліку з прэм’ер-міністрам краіны Зурабам Нагаідэлі і кіраўніком грузінскага парлямэнту Ніно Бурджанадзэ
Юры Дракахруст, Прага Учора ўвечары ён прыляцеў у Тбілісі з Масквы, дзе ўдзельнічаў у сьвяткаваньні дня перамогі. У грузінскай сталіцы ён правеў перамовы з прэзыдэнтам Міхаілам Саакашвілі і выступіў на шматтысячным мітынгу. Джордж Буш назваў Грузію “маяком свабоды для рэгіёну і сьвету”, ён вітаў жаданьне гэтай краіны далучыцца да НАТО, пацьвердзіў прыхільнасьць тэрытарыяльнай цэласьці Грузіі. На прэсавай канфэрэнцыі прэзыдэнт ЗША паведаміў, што атрымаў ад расейскага прэзыдэнта Ўладзімера Пуціна абяцаньне вывесьці з Грузіі ваенныя базы.
Юры Сьвірко, Кіеў Акрамя гэтага, у Кіеве будзе працаваць украінска-беларускі цэнтар супрацоўніцтва патрыятычных моладзевых арганізацыяў. Лідэр “Альянсу” Ігар Гузь заявіў, што Аляксандар Лукашэнка хлусіў ўкраінскаму прэзыдэнту Віктару Юшчанку, калі казаў, што ня ведаў пра затрыманьне ўкраінцаў у Менску.
Ул. інф. Журналісты шэрагу выданьняў, уключна з “Financial Times Deutschland”, не выключаюць, што тэрміновы ад’езд Лукашэнкі ў Менск выкліканы жаданьнем Крамля пазьбегнуць магчымага скандалу паміж гарачым беларускім кіраўніком і амэрыканскім лідэрам, які напярэдадні надзвычай рэзка выказаўся на адрас палітыкі афіцыйнага Менску.
Ул. інф. Прынамсі, у сёньняшні артыкуле, надрукаваным у The Washington Post грузінскі лідэр прапануе правесьці новую "Ялцінскую канфэрэнцыю" для распаўсюджваньня свабоды, у тым ліку ў Беларусі.
Алесь Дашчынскі, Менск Старшыня Аб’яднанай грамадзянскай партыі Анатоль Лябедзька знаходзіцца зь візытам у Тбілісі. На сёньня заплянаваная ягоная сустрэча з прэзыдэнтам Грузіі Міхаілам Саакашвілі, а таксама з кіраўніком грузінскага парлямэнту Ніно Бурджанадзэ.
Уладзімер Глод, Менск Дэпутат Гомельскага гарадзкога савету Юрась Глушакоў бліжэйшым часам зьбіраецца вярнуцца да дзейнасьці прадстаўнікоў незарэгістраванай ў Беларусі арганізацыі - "Русского национального единства" (РНЕ). Штуршком для новага дэпутацкага звароту сталі падзеі напярэдадні сьвяткаваньня 60-х угодкаў Перамогі ў гомельскім мікрараёне Стары Аэрадром. Тут у паштовыя скрыні амаль кожнага дома раскідалі ўлёткі з выявай фашысцкай свастыкі. Менавіта гэтыя дамы ўваходзяць у выбарчую акругу дэпутата Глушакова. Са спадаром Глушаковым размаўляў наш карэспандэнт.
Севярын Квяткоўскі, Менск Жыхары вуліц і праспэктаў, якія паводле ўказу Аляксандра Лукашэнкі набылі новыя назвы, да перайменаваньняў ставяцца па-рознаму. Гэтак сама, як і мінакі, якіх сустрэў сёньня ў цэнтры Менску карэспандэнт “Свабоды”.
Алег Грузьдзіловіч, Менск Адкрываючы вайсковы парад у Менску, Аляксандар Лукашэнка папярэдзіў Захад, што Беларусь “надае самую вялікую ўвагу абароназдольнасьці краіны”.
Ул.інф. “Я думаю, трэба падтрымліваць усе намаганьні, накіраваныя на дэмакратызацыю грамадзтваў Беларусі,” – заявіў 9 траўня Старшыня Эўракамісіі Жозэ Мануэл Барозу. Гэтую заяву ён зрабіў у эфіры радыёстанцыі “Эхо Москвы”.
Ганна Соусь, Менск Перайменаваньне праспэкту імя Машэрава ў праспэкт Пераможцаў у сям’і былога кіраўніка Беларусі Пятра Машэрава ўспрынялі вельмі нэгатыўна.
Севярын Квяткоўскі, Менск Праспэкт Скарыны – на праспэкт Незалежнасьці, праспэкт Машэрава – на праспэкт Пераможцаў. Старабарысаўскі тракт назавуць вуліцай Скарыны, вуліцы Варвашэні, Ерусалімская і Дразда стануцца праспэктам Машэрава, а для вуліцаў падшукаюць новыя адрасы. Вось сутнасьць указу, падпісанага Аляксандрам Лукашэнкам. Як паставіліся да гэтых зьменаў менчукі?
Уладзімер Глод, Менск 9 траўня мае адбыцца другая сэсія Аб''яднаўчага зьезду беларускіх сацыял-дэмакратаў. Да гэтага часу афіцыйныя ўлады ўсялякім чынам перашкаджалі ім стварыць адзіную партыю. Тут можна ўзгадаць і адмову ў самы апошні момант у арэндзе папярэдне праплочанай залі менскага матэлю, і інцыдэнт у комплексе "Журавінка", калі дэлегатаў адмовіліся накарміць... У рэшце рэшт зьезд усё ж адбыўся – на прыступках ганку Дома культуры ў вёсцы Сеніца Менскага раёну. А чым выклікана другая сэсія паплечнікаў Аляксандра Казуліна?
Алесь Дашчынскі, Менск Прэзыдэнт ЗША Джордж Буш падчас сустрэчы ў Маскве з прэзыдэнтам Расеі Уладзімерам Пуціным мае намер зноў абмеркаваць сытуацыю ў Беларусі, якую ён назваў апошняй дыктатурай у Эўропе. Наш карэспандэнт пагутарыў зь некаторымі беларускімі ўдзельнікамі канфэрэнцыі “Дэмакратыя па-за межамі Балтыі: ўнёсак эўраатлянтычнай супольнасьці” ў Рызе: каардынатарам грамадзянскай ініцыятывы Хартыя-97 Андрэем Саньнікавым, лідэрам АГП Анатолем Лябедзькам, намесьнікам старшыні партыі БНФ Юрыем Хадыкам і лідэрам грамадзянскай ініцыятывы “Мы памятаем” Ірынай Красоўскай. Як яны ацэньваюць вынікі гэтай канфэрэнцыі?
Юры Сьвірко, Рыга Перад ад’ездам з Латвіі прэзыдэнт ЗША выступіў з прамовай у будынку Малой гільдыі ў Старой Рызе перад адмыслова запрошанай аўдыторыяй, у тым ліку трыма прэзыдэнтамі краін Балтыі. Зноў назваўшы Беларусь апошняй дыктатурай Эўропы, Джордж Буш заявіў пра новую місію – “ня толькі перамагчы адзінага дыктатара, але перамагчы ідэю дыктатуры на гэтым кантынэнце”.
Алесь Дашчынскі, Менск 7 траўня Басманны суд Масквы працягваў разгляд справаў удзельнікаў акцыі пратэсту каля амбасады Беларусі ў Расеі. Яе ўдзельнікі патрабавалі вызваленьня арыштаваных у Менску падчас “Чарнобыльскага шляху” грамадзянаў Беларусі і Ўкраіны.
Юры Сьвірко, Рыга Падчас знаходжаньня ў Рызе прэзыдэнт ЗША абмеркаваў са сваімі балтыйскімі калегамі сярод іншых пытаньняў сытуацыю ў Беларусі. Кіраўнікі Латвіі – Вайра Віке-Фрэйбэрга, Літвы – Валдас Адамкус, Эстоніі – Арнольд Руйтэль паведамілі журналістам, што гаварылі аб суседзях і прынцыпах дэмакратыі. Перад прыездам у Маскву Джордж Буш паведаміў, што будзе гаварыць пра Беларусь з прэзыдэнтам Расеі Ўладзімерам Пуціным.
Алесь Дашчынскі, Радыё Свабода Сёньня ўвечары Басманны суд Масквы працягваў разгляд справаў удзельнікаў мітынгу каля амбасады Беларусі ў Расеі.
Юры Дракахруст, Прага У краінах Балтыі лічаць, што гадавіна капітуляцыі нацысцкай Нямеччыны не зьяўляецца вялікая падстава для сьвяткаваньня, бо 60 гадоў таму для гэтых дзяржаваў нацысцкая акупацыя зьмянілася савецкай.
Любоў Лунёва, Менск Іх арыштавалі за ўдзел у апазыцыйнай акцыі 26 красавіка. Сярод іх чацьвёра грамадзянаў Украіны і столькі ж – Беларусі. 26 красавіка затрымалі каля 40 чалавек. Суды арыштавалі 14 грамадзянаў Расеі, 5 – Украіны і 8 беларусаў.
Алесь Дашчынскі, Менск Клімаў цяпер знаходзіцца ў сьледчым ізалятары на Валадарцы. На яго заведзены дзьве крымінальныя справы — за правядзеньне акцыі пратэсту 25 сакавіка і за паклёп на Аляксандра Лукашэнку, які быццам бы ўтрымліваецца ў ягоных кнігах.
Юры Сьвірко, Рыга Сёньня з Латвіі пачынаецца эўрапейскае турнэ амэрыканскага прэзыдэнта Джорджа Буша. На прэсавай канфэрэнцыі напярэдадні візыту латыская прэзыдэнт Вайра Віке-Фрэйбэрга адказала на пытаньні пра сытуацыю ў Беларусі.
Павло Зуб’юк, Кіеў Аляксей Панасюк адразу ж па прыезьдзе ў Кіеў наведаў палатачны лягер ля беларускае амбасады, падзякаваў ягоным жыхарам за падтрымку і распавёў пра умовы, у якіх дагэтуль знаходзяцца чатыры сябры “Нацыянальнага Альянсу”.
Тацяна Поклад, Вільня Амэрыканскі прэзыдэнт у інтэрвію адной з буйнейшых літоўскіх газэт выказаў спадзяваньне, што Літва далучыцца да дзейнасьці дзеля таго, каб заплянаваныя на наступны год выбары ў Беларусі былі дэмакратычнымі і што балтыйскія краіны дапамогуць Беларусі.
Аляксей Дзікавіцкі, Прага Блэр першы лідэр лейбарыстаў, які выйграў выбары тры разы запар. Гэтым разам, аднак, лейбарысцкая большасьць у парлямэнце ня будзе такой значнай, бо партыі Блэра перашкодзіў удзел Вялікай Брытаніі ў ірацкай кампаніі.
Альгерд Невяроўскі, Менск У Менску на Кастрычніцкай плошчы была спроба правесьці акцыю "Ланцуг неабыякавых людзей", прысьвечанаю 6-й гадавіне зьнікненьня былога міністра ўнутраных справаў Юрыя Захаранкі. І працягвалася пару хвілінаў. Адразу са двароў выйшлі спэцпадразьдзяленьні байцоў АМОНу і выціснулі ўдзельнікаў акцыі
Алесь Дашчынскі, Менск Басманны суд Масквы працягваў разгляд справаў удзельнікаў мітынгу каля амбасады Беларусі ў Расеі. Удзельнікі акцыі пратэсту патрабавалі вызваленьня арыштаваных у Менску падчас “Чарнобыльскага шляху” грамадзянаў Беларусі і Ўкраіны.
Валер Каліноўскі, Менск Як ужо паведамляла “Свабода”, прэзыдэнт ЗША Джордж Буш у інтэрвію літоўскаму тэлебачаньню заявіў аб тым, што Злучаныя Штаты будуць патрабаваць, каб у Беларусі адбыліся свабодныя выбары, і спрыяць гэтаму. Гэтую заяву “Свабодзе” камэнтуюць беларускія палітыкі, якія лічацца патэнцыйнымі кандыдадамі ў прэзыдэнты на выбарах 2006 году.
Ул.інф. Акцыя прымеркаваная да шостай гадавіны з дня зьнікненьня былога міністра ўнутраных справаў Беларусі і аднаго зь лідэраў апазыцыі, Юрыя Захаранкі.
Браніслава Станкевіч, Віцебск Яны вырашылі падтрымаць сваіх менскіх аднадумцаў, асуджаных за ўдзел у “Чарнобыльскім шляху”, і замацавалі на парэнчах маста імя Блахіна, вялікую расьцяжку з заклікам “Свабоду палітвязьням!”
Любоў Лунёва, Менск Са спэцпрыёмніка-разьмеркавальніка на волю выйшаў арыштаваны за ўдзел у апазыцыйнай акцыі 26 красавіка грамадзянін Украіны, актывіст “Нацыянальнага альянсу” Аляксей Панасюк.
Тацяна Поклад, Вільня Увечары 5 траўня Літоўскі нацыянальны тэлеканал (LTV) перадаў інтэрвію з прэзыдэнтам ЗША Джорджам Бушам, запісанае напярэдадні яго візыту ў краіны Эўрапейскага Зьвязу і Расею адмыслова для літоўскай тэлевізіі.
Ул. інф. Прэзыдэнт ЗША Джордж Буш напярэдадні візыту ў эўрапейскія краіны ў інтэрвію Літоўскай дзяржаўнай тэлевізіі назваў Беларусь апошняй дыктатурай Эўропы.
Ул. Інф.
RFE/RL Сёньня прэзыдэнт Украіны Віктар Юшчанка ў Сімфэропалі зрабіў наступную заяву наконт украінскіх грамадзянаў, якія працягваюць знаходзіцца ў беларускім СІЗА за ўдзел у Чарнобыльскім шляху ў Менску:
Ул. інф. Сёньня пасол Беларусі ва Ўкраіне Валянцін Вялічка быў выкліканы ў міністэрства замежных справаў Украіне, дзе яму была ўручаная нота.
Паўло Зуб''юк, Кіеў Другі тыдзень ля беларускае амбасады ў Кіеве стаіць палатачны лягер, у якім стала жыве некалькі дзясяткаў чалавек.
Любоў Лунёва, Менск Вечарам са спэцпрыёмніка-разьмеркавальніка на волю выйшаў арыштаваны за ўдзел у апазыцыйнай акцыі 26 красавіка грамадзянін Украіны, актывіст “Нацыянальнага альянсу” Аляксей Панасюк. Яго арыштавалі на дзевяць сутак.
Валер Каліноўскі, Менск Жыльлёвае рамонтна-эскплюатацыйнае аб’яднаньне Савецкага раёну Менску адклікала свой ліст аб высяленьні Партыі БНФ зь сядзібы па вуліцы Варвашэні, 8.
Алег Грузьдзіловіч, Менск Аляксандар Лукашэнка прысвоіў званьне генэрал-лейтэнанта міністру ўнутраных справаў Уладзімеру Навумаву і падвысіў званьні шэрагу іншых сілавікоў, у тым ліку старшыню КДБ Сьцяпану Сухарэнку.
Ігар Карней, Менск Напярэдадні ў Маскве актывісты моладзевых рухаў “Яблоко”, “Союз правых сил” і “Идущие без Путина” ладзілі пікет у падтрымку арыштаваных падчас “Чарнобыльскага шляху” грамадзянаў Беларусі і Ўкраіны.
Алесь Дашчынскі, Менск Менскія ўлады запатрабавалі, каб партыя БНФ да 15 траўня тэрмінова вызваліла памяшканьне па вуліцы Варвашэні, 8. З 1992 года тут знаходзіўся цэнтральны офіс партыі. Кіраўнік жыльлёвага рамонтна-эксплюатацыйнага аб’яднаньня Савецкага раёна Менска Мікалай Хамянкоў патлумачыў рашэньне скасаваць дамову на арэнду памяшканьняў у сувязі зь неабходнасьцю разьмяшчэньня па гэтым адрасе нейкіх дзяржаўных службаў.
Сяргей Навумчык, Прага Спэцыяльная ўпаўнаважаная Эўрапэйскага Зьвязу ў справах зьнешніх сувязяў Беніта Фэрэра-Вальднер заявіла, што Украіне, Малдове і Грузіі ня варта разьлічваць у бліжэйшы час далучыцца да Эўрапэйскага Зьвязу. Яна заклікала да рэалізму і сказала, што для далучэньня гэтых краінаў да Эўразьвязу трэба зрабіць вельмі шмат, але пакуль яны могуць атрымаць некаторыя перавагі, якімі карыстаюцца сябры ЭЗ.
Загрузіць яшчэ