Алег Грузьдзіловіч, Менск Судовая калегія Менскага абласнога суду пацьвердзіла вінаватасьць Міхаіла Марыніча ў крадзяжы маёмасьці, аднак палічыла, што былы міністар заслугоўвае больш мяккага пакараньня. Анатоль Лябедзька сказаў з гэтай нагоды: "Умоўна кажучы, замест таго, каб чацьвертаваць апазыцыянэра, у яго страляюць. А потым кажуць, што яны вельмі гуманныя". Прадстаўніца пракуратуры тымчасам выказала задавальненьне зьмякчэньнем прысуду.