Ганна Соусь, Прага Ніводны з кіраўнікоў пяці краінаў Сярэдняй Азіі пакуль яшчэ не пакінуў сваю пасаду з таго часу, як гэтыя краіны набылі незалежнасьць пасьля развалу Савецкага Саюзу. Пры тым, што ў іншых постсавецкіх краінах лідэры мяняліся хаця б аднойчы. Прэзыдэнты краінаў Сярэдняй Азіі ўнесьлі зьмены ў Канстытуцыі сваіх краінаў, правялі сумнеўныя рэфэрэндумы з тым, каб працягнуць тэрміны сваіх паўнамоцтваў як мага даўжэй. Пры гэтым, аднак, яны праз заканадаўства гарантавалі сябе недатыкальнасьць і прывілеі пасьля адстаўкі. Але ж чаму яны так ня хочуць сыходзіць? Ці сапраўды гэты навязьлівая ідэя ўлады, адсутнасьць пераемніка ці нейкая іншая прычына?