Ігар Карней, Менск 37-гадовы брытанскі актор Дэніэл Крэйг выканае ролю агента 007 у чарговым, 21-м па ліку, фільме пра Джэймcа Бонда. Размовы пра тое, хто ўрэшце прыйдзе на зьмену Пірсу Броснану, які дагэтуль быў апошнім “тэлебондам”, пачаліся яшчэ ў 2003 годзе, на наступны год пасьля выхаду стужкі “Памры, але не цяпер” (Die another day). З шэрагу магчымых варыянтаў быў абраны, бадай, самы нечаканы: Дэніэл Крэйг вядомы аматарам кіно хіба што зь фільму “Шлях праклёну”, і тое ў большай ступені дзякуючы ўдзелу ў ім Тома Хэнкса. І хоць у свой час супэрагентам былі самыя розныя акторы, аднак, паводле сцэнару, яднала іх адна місія – яны змагаліся з дыктатарскімі рэжымамі, якія ня толькі прыгняталі ўласныя народы, але й марылі пра ўсясьветнае панаваньне. Ці можа Беларусь стаць здымачнай пляцоўкай для гіпатэтычнага Джэймcа Бонда?