Алесь Дашчынскі, Менск Прадстаўнікі афіцыйнага Менску і беларускай апазыцыі камэнтуюць заяву міністраў замежных справаў Эўразьвязу. Нагадаем, у ёй улады Беларусі папярэджваюцца: калі прэзыдэнцкія выбары 2006 году будуць непразрыстымі і несвабоднымі, калі на іх ня будуць дапушчаныя міжнародныя назіральнікі, то сьпіс беларускіх чыноўнікаў, якім забаронены ўезд на тэрыторыю Эўразьвязу, будзе пашыраны. Міністры таксама заявілі пра гатовасьць “прыняць дадатковыя абмежавальныя захады”, у тым ліку замарожваньне банкаўскіх рахункаў канкрэтных асобаў. У заяве таксама адзначаецца, што Эўрапейскі зьвяз будзе рабіць маніторынг сытуацыі ў Беларусі, асабліва ў кантэксьце прэзыдэнцкіх выбараў.