Ігар Карней, Менск 31 студзеня ў калёнію для асобаў, якія ўчынілі злачынства па неасьцярожнасьці, мусіць быць этапаваны заснавальнік і выдавец незалежнай “Новай газэты Смаргоні” Рамуальд Улан. За наезд на ўласным аўтамабілі на раварыстку журналіст быў асуджаны да двух гадоў адбываньня пакараньня ў Горках на Магілёўшчыне. Сам Рамуальд Улан лічыць, што ў мясцовых уладаў папросту зьявіўся шанец пазбавіцца ад аднаго з актыўных апазыцыянэраў, паколькі жанчына, атрымаўшы пасьля аварыі грашовую кампэнсацыю, прэтэнзіяў да яго ня мела.
