Ігар карней, Менск Цягам месяца ня можа ўрэгулявацца канфлікт паміж некаторымі турфірмамі і амбасадай Нямеччыны ў Менску. Прадстаўнікі турыстычнай галіны вінавацяць дыпляматычнае ведамства ў тым, што ў разгар гарналыжнага сэзону кансулят неабгрунтавана адмаўляе ў выдачы візаў беларускім турыстам. Пры гэтым называюцца сумы стратаў у дзесяткі тысячаў эўра за ўжо аплочаныя гатэлі ў краінах шэнгенскай зоны. Кіраўніцтва амбасады, у сваю чаргу, адказвае, што кіруецца дэкрэтам “Аб супрацьдзеяньні гандлю людзьмі”, якім прадугледжаны жорсткі кантроль над тымі, хто выяжджае зь Беларусі.