Сьвятлана Курс, Менск За два тры-гады ў Беларусі зьдзейсьнілася ціхая зялёная рэвалюцыя. Людзі перастаюць глядзець на сваю дзялку, як на грады, дзе вырошчваецца бульба, гуркі, памідоры й капуста. Сёньня барацьба за ўраджай зьмяняецца на прагу эстэтычнага атачэньня. Праца на зямлі робіцца прыгожым хобі, а прысядзібныя дзялкі – аб’ектам творчай радасьці. Гэтую думку выказваюць беларускія расьлінаводы, садаводы дачнікі й дызайнэры ў матэрыяле нашай карэспандэнткі.