Алег Грузьдзіловіч, Менск Як мы паведамлялі раней, у Міхаіла Марыніча, які ўтрымліваецца ў Аршанскай калёніі, здарыўся інсульт. Паводле Міністэрства ўнутраных справаў, яму аказаная неабходная мэдычная дапамога, цяпер становішча “здавальняючае”. Між тым, сыны Міхаіла Марыніча абвінавачваюць улады ў наўмысным стварэньні ўмоваў, якія прывялі да рэзкага пагаршэньня здароўя іхнага бацькі.