Аляксей Дзікавіцкі, Варшава Ганна Валентыновіч – актывістка антыкамуністычнай апазыцыі, ад звальненьня якой з працы ў 1980-м годзе пачаўся гістарычны страйк рабочых Гданьскай суднавэрфі, атрымала ў Вашынгтоне "Мэдаль Свабоды" Трумана-Рэйгана, якой прафсаюз “Салідарнасьць” быў узнагароджаны амэрыканскім Фондам ахвяраў камунізму. Адметна, што мэдаль, які раней атрымалі, сярод іншых, Вацлаў Гавэл і Вітаўтас Ландсбергіс, уручылі менавіта спадарыні Валентыновіч – зацятай праціўніцы Леха Валэнсы.