Ігара Карней, Менск Ад пачатку 2005 году ў беларускім эфіры зьявіцца тэлевізійны канал “Беларусь ТБ”, які будзе прымацца на ўсёй тэрыторыі краіны і ў суседніх абласьцях Расеі і Ўкраіны. Як паведамляюць у тэлерадыёкампаніі, гэтым самым распачнецца другі этап у справе стварэньня міжнароднай вэрсіі беларускага тэлебачаньня. Першы, паўгода таму, меў на ўвазе распаўсюд праграмаў Першага нацыянальнага каналу праз спадарожнік на эўрапейскую частку Расеі, краіны Балтыі ды некаторыя дзяржавы Цэнтральнай і Ўсходняй Эўропы. Ад новага году канал “Беларусь ТБ”, які, па сутнасьці, стане дайджэстам іншых праграмаў беларускага вяшчаньня, будзе адрасаваны і беларускаму гледачу.