Радыё Свабода Швайцарскія праваахоўныя структуры арыштавалі некалькі банкаўскіх рахункаў у Цюрыху і Жэнэве, якія, праўдападобна, належаць кіраўніцтву наваполацкага нафтаперапрацоўчага заводу “Нафтан”. Як перадаюць швайцарскія СМІ, у адпаведнасьці з прынятым у Лязане рашэньнем аказаць юрыдычную дапамогу Беларусі, сканфіскаваныя сродкі й банкаўскія дакумэнты перададуць Менску. Адначасна фэдэральны суд у Лязане адхіліў настойлівыя рэкамэндацыі бэрнскіх палітыкаў не супрацоўнічаць з урадам краіны, дзе брутальна парушаюцца правы чалавека.