Радыё Свабода У адпаведнасьці з указам Аляксандра Лукашэнкі, ад 1 траўня на 7% падвысілі працоўныя пэнсіі. Як удакладняецца ў дакумэнце, зроблена гэта “з мэтай павелічэньня ўзроўню матэрыяльнай забясьпечанасьці пэнсіянэраў”. Між тым, у адпаведнасьці з пастановай Савету Міністраў, ад 15 красавіка ўжо падвышаная плата за тэхнічнае абслугоўваньне жылых памяшканьняў, а ад сёньняшняга дня на 6% вырасьлі тарыфы на электраэнэргію, звадкаваны і прыродны газ. Неўзабаве будуць падвышаныя й іншыя камунальныя тарыфы. Як кажуць экспэрты, гэтыя выплаты нашмат перавышаюць дадатак да пэнсіяў.