Ігар Карней, Менск Эўрапейскі суд пацьвердзіў сваё ранейшае рашэньне аб незаконным выкарыстаньні “залатых акцый”, з дапамогай якіх урады ўмешваліся ў рашэньні прыватных кампаній – гэта супярэчыць прынцыпу вольнага руху капіталу ў Эўразьвязе. Захаваньне “залатых акцый” дапушчальнае толькі тады, калі гаворка ідзе пра кампаніі, якія маюць грамадзка важнае значэньне – прыкладам, у ваенна-прамысловым комплексе, і калі кантроль дзяржавы над імі не празьмерны. Адрозна ад эўрапейскай практыкі, беларускае кіраўніцтва актыўна ўплывае на працу акцыянэрных прадпрыемстваў з дапамогай "залатой акцыі".