Аляксей Дзікавіцкі, Варшава Польскія экспэрты лічаць, што беларускія ўлады могуць скарыстацца з расейска-украінскага газавага крызысу, аднак магчымасьці Менску не настолькі вялікія, каб чакаць ад Захаду нейкіх саступак – прыкладам, зьмякчэньня крытыкі ў справе парушэньняў правоў чалавека ў Беларусі ўзамен за павелічэньне транзыту. Ці магла б Польшча кампэнсаваць недахоп газу, які атрымлівае праз Украіну, за кошт павелічэньня танзыту праз Беларусь, бо польскі бок зьвяртаўся з такой просьбай да “Газпраму” і “Белтрансгазу”?