Натальля Судлянкова, Прага На сёньняшні дзень самая заможная краіна Эўразьвязу пасьля Люксэмбургу – гэта Ірляндыя. Гэтая краіна, якая раней была лепш вядомая сваімі мігрантамі, паэтамі і грамадзянскімі войнамі, сёньня мае ўнутраны валавы прадукт на аднаго чалавека большы, чым Нямеччына, Францыя або Брытанія. Гісторыя Ірляндыі, якая здолела зрабіць настолькі значны крок наперад, яскрава адлюстроўвае сытуацыю ў сёньняшняй Эўропе – асноўныя падзеі адбываюцца на пэрыфэрыі, у тых краінах, якія ня толькі прынялі глябалізацыю, але й здолелі яе выкарыстаць на сваю карысьць.