Уладзімер Глод, Менск Нявыкарыстаныя прыватызацыйныя чэкі “Маёмасьць”, якія выдаюць грамадзянам Беларусі пачынаючы з 1994 году, могуць быць зьнятыя з абароту ўжо ў наступным годзе. Учора камісія ў справах жыльлёвай палітыкі, будаўніцтва, гандлю й прыватызацыі Палаты прадстаўнікоў разглядала праект адпаведнага закону. Калі гэты дакумэнт набудзе сілу закону, то нявыкарыстаныя чэкі здымуць з абароту, а іх уладальнікі не атрымаюць ніякай кампэнсацыі. Чым выкліканы такі радыкальны падыход да чэкаў, якія на сёньня маюць статус дзяржаўных каштоўных папераў?