Юлія Шарова, Менск Сёньня дэпутаты Палаты прадстаўнікоў маюць разгледзець у першым чытаньні праект бюджэту на 2006 год. Згодна з праектам асноўнага фінансавага дакумэнту краіны, патраціць плянуецца 26,6 трыльёнаў рублёў, атрымаць – 25,5 трыльёнаў. Выдаткі й прыбыткі павінны значна ўзрасьці ў параўнаньні з 2005 годам. Але пры гэтым у бюджэт закладваюць дэфіцыт – 1,5 адсотка ад валавога ўнутранага прадукту.