Сяргей Астраўцоў, Горадня Сёньня ў Горадні адкрылася выстава-кірмаш “Эўрарэгіён “Нёман”, яна працягнецца тры дні. У эўрарэгіёне “Нёман”, апроч Гарадзеншчыны, удзельнічаюць памежныя рэгіёны Польшчы, Літвы і Калінінградзкай вобласьці Расеі. Аднак на кірмашы прадстаўленая прадукцыя, пераважна харчовая, амаль выключна гарадзенскіх прадпрыемстваў. Літоўскіх ды польскіх вырабаў няма. Такім чынам, назва кірмашу “Эўрарэгіён “Нёман” не адпавядае зьместу выставы.