Ігар Карней, Менск Швэдзкая акадэмія, якая больш за сотню гадоў прысуджае Нобэлеўскія прэміі ў галіне літаратуры, сёньня абвясьціла пераможцу за 2007 год. Сярод некалькіх дзясяткаў прэтэндэнтаў экспэрты выбралі брытанскую раманістку Дорыс Лэсінг, якая нарадзілася ў 1919 годзе ў Пэрсіі. Сума Нобэлеўскай прэміі складае ў кожнай намінацыі 10 мільёнаў швэдзкіх кронаў, у эквіваленце больш за 1,5 мільёна даляраў. Зноў не пашчасьціла народнаму паэту Беларусі Рыгору Барадуліну, які два апошнія гады быў у шорт-лісьце.