Ігар Карней, Менск 1 верасьня лічыцца датай нараджэньня аднаго з самых славутых музычных калектываў Беларусі – ансамблю “Песьняры”. У гэты дзень 36 гадоў таму на маскоўскай фірме грамзапісу “Мелодия” выйшла першая кружэлка “Песьняроў”, якія да таго часу гралі пад назвай “Лявоны”. І менавіта ад верасьня 1969 году бярэ пачатак уласна “песьняроўская” біяграфія. Традыцыя адзначаць угодкі “Песьняроў” захоўваецца да гэтага часу, хоць у розныя гады праз ансамбль прайшлі дзясяткі музыкаў і сьпевакоў, а пасьля трагічнай сьмерці заснавальніка “Песьняроў” зьявіліся ажно пяць калектываў, складзеных з былых паплечнікаў Уладзімера Мулявіна. Пра фэномэн гурту, які прынёс славу беларускай музычнай культуры, наш карэспандэнт пагутарыў з Лявонам Бартлавым, мастаком-пастаноўшчыкам, майстрам дызайну і афармленьня сцэны, які працаваў зь “Песьнярамі” ад пачатку.