Валянціна Аксак, Менск IV Міжнародны кангрэс беларусістаў, які сёньня адкрыўся ў Менску, у параўнаньні з трыма папярэднімі стаўся самым сьціплым як прадстаўнічасьцю замежных удзельнікаў, так і зьместам заяўленай праграмы. На кангрэс не прыехалі сябры асацыяцыі беларусістаў са Злучаных Штатаў Амэрыкі, Канады, Вялікабрытаніі, Францыі ды многіх іншых краінаў. Галоўная прычына зьмяншэньня ўвагі да кангрэсу, на думку тых, хто прыехаў, — малая ўвага да беларусістыкі ў самой Беларусі.