Чырвоны Крыж упершыню апублікаваў правілы для хакераў, якія ўдзельнічаюць у вайне

Міжнародны камітэт Чырвонага Крыжа (МКЧК), які адказвае за нагляд і маніторынг правілаў вайны, рассылае новыя правілы хакерскім групам, асабліва якія ўдзельнічаюць у вайне ва Ўкраіне.

Восем правілаў для хакераў ад МКЧК уключаюць забарону нападаў на лякарні, бескантрольнае распаўсюджваньне хакерскіх прылад і пагрозы, якія спараджаюць тэрор сярод цывільнага насельніцтва.

Аднак некаторыя кібэргрупы заявілі BBC News, што плянуюць ігнараваць новыя правілы.

Патрыятычнае хакерства ўзрасло за апошняе дзесяцігодзьдзе. У заяве МКЧК асьвятляюцца прасырыйскія кібэратакі на заходнія сродкі масавай інфармацыі ў 2013 годзе.

Аднак трывожная тэндэнцыя, пагоршаная вайной Расеі супраць Украіны вайной, цяпер распаўсюджваецца па ўсім сьвеце, расказаў юрысконсульт МКЧК Тыльман Радэнхойзэр.

У адпаведнасьці зь міжнародным гуманітарным правам для хакераў агучылі наступныя правілы:

• Не накіроўвайце кібэратакі на цывільныя аб’екты.
• Не выкарыстоўвайце шкоднае праграмнае забесьпячэньне, іншыя інструмэнты або мэтады, якія распаўсюджваюцца аўтаматычна і наносяць шкоду вайсковым і цывільным абʼектам.
• Плянуючы кібэратаку на вайсковы абʼект, зрабіце ўсё магчымае, каб пазьбегнуць ці зьвесьці да мінімуму наступствы, якія ваша апэрацыя можа аказаць на цывільнае насельніцтва.
• Не праводзіць ніякіх кібэраперацый супраць мэдыцынскіх і гуманітарных устаноў.
• Не праводзіць ніякіх кібэратак на абʼекты, неабходныя для выжываньня насельніцтва.
• Не пагражаць гвалтам з мэтай пасеяць тэрор сярод цывільнага насельніцтва.
• Не падбухторвайце да парушэньняў міжнароднага гуманітарнага права.

МКЧК заклікае выконваць гэтыя правілы, нават калі супернік гэтага ня робіць. Камітэт таксама заклікае ўрады абмежаваць хакерства і забясьпечыць выкананьне існых законаў.