«Плятформа „Рабочы рух“ створаная ня толькі для завадчан — да яе могуць далучыцца ўсе: прыватны бізнэс і бюджэтнікі, сацыяльная сфэра і прамысловасьць, вайскоўцы і транспартнікі. Абсалютна ўсе працоўныя беларусы. Рабочыя стварылі гэты рух, каб сумесна паралізаваць працу па ўсёй краіне дзеля выкананьня нашых нязьменных патрабаваньняў: спыніць гвалт, вызваліць зьняволеных па палітычных матывах і правесьці новыя выбары», — гаворыцца ў тэлеграм-канале Сьвятланы Ціханоўскай.
ГЛЯДЗІЦЕ ТАКСАМА: Ціханоўская заклікала фэдэральнага пракурора Нямеччыны распачаць крымінальную справу супраць ЛукашэнкіТаксама Ціханоўская паведаміла, што на заклік актыву розных сацыяльных груп яе эканамічная каманда распрацавала праект праграмы падтрымкі ўдзельнікаў страйкавага руху, а таксама грамадзян і бізнэсаў, якія пацярпелі ад рэпрэсій.
«Гэты праект уключае аднаўленьне на пасадах, адмену даўгоў па кантрактах, кампэнсацыі, крэдытныя і падатковыя паслабленьні. А таксама сьпіс дзяржаўных структур і фондаў, якія ў новай Беларусі могуць стаць крыніцамі сродкаў для гэтай падтрымкі», — адзначаецца ў паведамленьні.
ГЛЯДЗІЦЕ ТАКСАМА: «Лідэры, якія сустрэліся зь Ціханоўскай, не пададуць рукі Лукашэнку». Франак Вячорка тлумачыць, навошта Ціханоўскай замежныя паездкіЦалкам тэкст праекту апублікаваны на сайце Сьвятланы Ціханоўскай, дзе яго можна прачытаць і пракамэнтаваць.