Малады і энэргічны палітык.
Не FaceApp. Як Лукашэнка зьмяніўся за 25 гадоў — па фота на год
1
1994 год. Перадвыбарчы плякат Аляксандра Лукашэнкі, «афіцыйнасьць» якога выклікае пытаньні: каманда Лукашэнкі сьцьвярджала, што гэткіх плякатаў не вырабляла. Але сапраўднасьць фота не абвяргалася
2
1995 год. Лукашэнка некалькі разоў сустракаецца з тагачасным прэзыдэнтам ЗША Білам Клінтанам. З наступнымі прэзыдэнтамі ЗША афіцыйных сустрэчаў ня будзе, за выключэньнем прыёму ў ААН ад імя Барака Абамы ў 2015 годзе
3
1996 год. Лукашэнка выступае перад парлямэнтам — Вярхоўным Саветам, які ён неўзабаве гвалтоўна разгоніць і заменіць на цалкам ляяльны яму Нацыянальны Сход
4
1997 год. Лукашэнка сустракаецца з прэзыдэнтам Расеі Барысам Ельцыным. На перамовах закладаецца аснова інтэграцыі дзяржаў — таго, што пазьней назавуць «саюзнай дзяржавай». Існуе распаўсюджаная думка, што Лукашэнка хацеў стаць кіраўніком аб’яднанай дзяржавы
5
1998 год. Лукашэнка на зімніх Алімпійскіх гульнях у Японіі. Насуперак правілам Міжнароднага алімпійскага камітэту, ён адначасова прэзыдэнт і дзяржавы, і Нацыянальнага алімпійскага камітэту. У гэтым годзе заходнія краіны ўпершыню ўвядуць супраць яго санкцыі
6
1999 год. Лукашэнка ў Маскве, дамова аб «саюзнай дзяржаве» вось-вось будзе падпісаная, Ельцын у Расеі непапулярны, а Лукашэнку, нягледзячы на палітычныя і эканамічныя крызісы ў Беларусі, большасьць расейскага насельніцтва сымпатызуе
7
2000 год. Лукашэнка на першых выбарах у Палату прадстаўнікоў — да таго ніжнюю палату ён прызначыў сам, што не надавала легітымнасьці «замене парлямэнту». Дый гэтыя выбары на Захадзе не прызналі свабоднымі і дэмакратычнымі — як і ўсе наступныя ў Беларусі
8
2001 год. Лукашэнка перамагае на прэзыдэнцкіх выбарах. Апазыцыянэры Зянон Пазьняк і Міхаіл Чыгір ня трапілі ў бюлетэні, апанэнты Юры Захаранка і Віктар Ганчар «зьніклі» (меркавана, былі забітыя) яшчэ два гады таму, адзіным кандыдатам ад апазыцыі стаў Уладзімер Ганчарык
9
2002 год. Лукашэнка сустракаецца з прэзыдэнтам Расеі Ўладзімірам Пуціным — значна больш папулярным за свайго папярэдніка Ельцына. Праект «саюзнай дзяржавы» тармозіцца, адзіная валюта так і не зьяўляецца
10
2003 год. Пуцін, Лукашэнка, кіраўнікі Ўкраіны і Казахстану Віктар Кучма і Нурсултан Назарбаеў у Маскве. Лукашэнка ўсё менш кантактуе з краінамі Захаду, усё больш — з былым СССР
11
2004 год. Лукашэнка на тэнісным матчы — чвэрцьфінале Кубку Дэвіса ў Менску. На тэніс любіць глядзець, але часьцей гуляе ў хакей
12
2005 год. Лукашэнка ў Лібане. Пасьля рэфэрэндуму 2004 году, на якім было зьнятае абмежаваньне на колькасьць прэзыдэнцкіх тэрмінаў, стасункі з Захадам псуюцца, але наймацнейшыя санкцыі будуць годам пазьней
13
2006 год. Лукашэнка выступае пасьля прэзыдэнцкіх выбараў на трэці тэрмін і разгону «Плошчы» — масавай шматдзённай акцыі пратэсту ў цэнтры Менску
14
2007 год. Лукашэнка на сустрэчы з Пуціным — адным зь нешматлікіх саюзьнікаў, якія ў яго засталіся
15
2008 год. Пасьля парлямэнцкіх выбараў, не прызнаных Захадам, Лукашэнка кажа пра спадзевы на паляпшэньне стасункаў з Эўразьвязам. У гэтым годзе ў Беларусі ўпершыню з канца 1990-х ударыць моцны фінансавы крызіс
16
2009 год. Лукашэнка і папа Рымскі — пасьля агрэсіі Расеі супраць Грузіі краіны Захаду спрабуюць палепшыць стасункі зь Беларусьсю, і запрашэньне Лукашэнкі ў Ватыкан разглядаюць як крок да гэтага
17
2010 год. Лукашэнка і ягоны «найлепшы сябар» Уга Чавэс, прэзыдэнт Вэнэсуэлы
18
2011 год. Лукашэнка прысягае пасьля перамогі на прэзыдэнцкіх выбарах і чарговага брутальнага разгону пратэстаў апазыцыі
19
2012 год. Лукашэнка і Дзьмітры Мядзьведзеў, які дабывае апошні год прэзыдэнцтва перад вяртаньнем Пуціна на пасаду
20
2013 год. Лукашэнка з сынам Мікалаем на парадзе на 3 ліпеня. Малодшы сын зьявіўся ў публічным полі ў 2008 годзе, паступова стаў пастаянным публічным спадарожнікам свайго бацькі. Хто маці Мікалая, афіцыйна не абвяшчалася, але распаўсюджана думка, што гэта былая асабістая доктарка Лукашэнкі Ірына Абельская
21
2014 год. Лукашэнка ладзіць у Менску перамовы Пуціна зь Пятром Парашэнкам — нядаўна абраным прэзыдэнтам Украіны ў разгар расейскай агрэсіі на Данбасе і ў Крыме. З таго часу ў Менску рэгулярна будуць праходзіць перамовы пра мір на Данбасе, але сам мір за пяць гадоў перамоваў так і не наступіць
22
2015 год. Лукашэнка выступае з трыбуны ААН у Нью-Ёрку — першая за доўгі час паездка ў ЗША не суправаджаецца сустрэчай са значнымі палітыкамі Штатаў, пад санкцыямі якіх яшчэ месяц будзе заставацца і сам Лукашэнка, і ягонае атачэньне
23
2016 год. Лукашэнка і ягоны новы важны сябра і саюзьнік — кіраўнік Кітаю Сі Цзіньпін
24
2017 год. Лукашэнка на расейска-беларускіх вучэньнях «Захад-2017», якія суседнія дзяржавы лічылі сур’ёзнай пагрозай сувэрэнітэту Беларусі і Ўкраіны
25
2018 год. Лукашэнка наведвае чарговы баль у Палацы незалежнасьці. Пра ягоную жонку Галіну Лукашэнку згадваюць усё радзей, яна даўно жыве асобна
26
2019 год. Лукашэнка на закрыцьці Эўрапейскіх гульняў
Катэгорыі
- Мультымэдыя
- Відэа
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў