Лінкі ўнівэрсальнага доступу

У Ружанах пад паваленымі з «МАЗа» бярвёнамі загінула паўгадовае дзіця


Ілюстратыўнае фота

У дарожна-транспартным здарэньні ў гарадзкім пасёлку Ружаны (Пружанскі раён, Берасьцейская вобласьць) загінула паўгадовае дзіця і яго 44-гадовая бабуля, паведамляе БелаПАН са спасылкай на ДАІ Берасьцейскай вобласьці.

25-гадовая маці дзіцяці зь цяжкімі траўмамі шпіталізаваная ў рэанімацыйнае аддзяленьне.

Трагедыя адбылася 17 лютага каля 12.20 на вуліцы Косаўскай. Паводле папярэдняй інфармацыі, кіроўца аўтамабіля «МАЗ», які перавозіў у прычэпе лесаматэрыял, спрабаваў аб’ехаць пешаходаў, якія ішлі насустрач па краі праезнай часткі. Прычэп перакуліўся, бярвёны ўпалі на жанчын і на дзіця, якое ляжала ў вазочку.

На месцы здарэньня працуе сьледча-апэратыўная група.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG