Такое рашэньне прынята 21 ліпеня ў Кіеве на закрытым зьезьдзе «Правага сэктара».
На рэфэрэндуме «Правы сэктар» мае таксама намер запатрабаваць разгляду пытаньняў аб адмене Менскіх пагадненьняў, «прызнаньні вайны вайной» і легалізацыі дабравольніцкага руху.
Сярод іншага зьезд пастанавіў, што арганізацыя ня будзе прымаць удзелу ў мясцовых выбарах восеньню, паведамляе УНІАН.
Як вырашана на зьезьдзе, лідэр «Правага сэктара» дэпутат Дзьмітры Яраш не адмовіцца ад дэпутацкага мандата.
11 ліпеня ў Мукачаве адбылася страляніна з удзелам людзей, блізкіх да народнага дэпутата Міхаіла Ланьё, мясцовых міліцыянтаў, а таксама чальцоў «Правага сэктара». У выніку перастрэлкі загінулі да 5 чалавек, да 14 былі параненыя.
Губэрнатар Закарпацьця Генадзь Маскаль заявіў, што супраць 13 актывістаў «Правага сэктара» завялі крымінальную справу.