Для кагосьці гэта стане зусім адкрыцьцём, але вогнішчы запальвалі таксама і на ўсходзе — каля Цьверы, пад Масквой, на Смаленшчыне і пад Варонежам. А таксама ва ўкраінскім Жытоміры і ў польскім Беластоку. Вось такім калісьці быў абшар, дзе размаўлялі на балцкіх гаворках.
Дзень адзінства балтаў прызнаны дзяржаўным сьвятам у Літве і Латвіі. Яго гістарычная падстава — бітва пры Саўле, калі сумесныя сілы балцкіх плямёнаў разьбілі войска мечаносцаў 1236-м.
Сьвята адзначаецца ў дзень восеньскага раўнадзеньня. У народнай традыцыі гэта час падвядзеньня вынікаў і падліку таго, што зроблена за актыўны летні пэрыяд. З гэтым зьвязаная і традыцыя запальваньня вогнішча.
