РЫМ. Прэзыдэнт Іраку Джалал Талябані сустрэўся зь міністрам абароны Італіі Антоніё Марціна. Талябані заявіў пры сустрэчы, што кааліцыйныя сілы не павінныя пакідаць Ірак, бо краіна пакуль ня можа дамагчыся бясьпекі ўласнымі сіламі. Урад Сыльвіё Бэрлюсконі скіраваў у Іраку 3 тыс. вайскоўцаў адразу пасьля ўпадку рэжыму Садама Хусэйна, аднак цяпер Італія паступова скарачае кантынгент. Заўтра чакаецца сустрэча прэзыдэнта Іраку з Папам Рымскім.