“Белорусская деловая газета” інфармуе сваіх чытачоў пра рэфармаваньне праваабарончых мэханізмаў Арганізацыі Аб’яднаных Нацыяў. Як зазначае “БДГ”, гэтае пытаньне хвалюе многія краіны. У абмеркаваньне ўключылася і Беларусь. Сталы прадстаўнік Беларусі пры Аддзяленьні ААН у Жэневе Сяргей Алейнік выступіў, напрыклад, за скасаваньне краінавых рэзалюцый ААН, якія, на яго думку, выклікаюць канфрантацыю і зьніжаюць эфэктыўнасць міжнароднага ўзаемадзеяньня. Гэтую пазыцыю Беларусі, як вынікае з афіцыйнага тлумачэньня спадара Алейніка, падтрымалі многія краіны сьвету. Аднак “БДГ” выказвае сумнеў, што беларуская ініцыятыва насамрэч мела шырокую падтрымку. Бо пра яе, як высьветліла газэта, няма ані слова ў справаздачы Камісіі па правах чалавека ААН. Больш за тое, сярод краінаў, што бралі ўдзел у абмеркаваньні, Беларусь, паводле “БДГ”, наагул не значыцца.
“Кур’ер з Барысава” друкуе дарожныя нататкі карэспандэнта гэтага выданьня Паўла Магіліна, які нядаўна пабываў у Польшчы. Аўтар дзеліцца, у прыватнасьці, сваімі ўражаньнямі пра сельскую гаспадарку суседняй краіны. Каб бліжэй пазнаёміцца з аграрным сэктарам Польшчы, барысаўскі журналіст наведаў адну з фэрмэрскіх гаспадарак. Польскія сяляне, якія вядуць сваю гаспадарку на 20-гектарным надзеле зямлі, атрымліваюць на ёй па 60-70 цэнтнэраў збожжа з гектара. Гэта прыблізна ў 2 разы вышэй за ўраджайнасьць большасьці беларускіх калектыўных сельгаспрадпрыемстваў. У польскай фэрмэрскай гаспадарцы барысаўскі журналіст пабачыў шмат тэхнікі: камбайн, тры трактары, некалькі сельгасмашынаў рознага прызначэньня. Апроч гэтага, сям’я польскага фэрмэра выкарыстоўвае для гаспадарчых патрэбаў кампутары, тры легкавыя аўтамабілі. Падсумоўваючы свае ўражаньні, карэспандэнт “Кур’еру з Барысава” прыходзіць да высновы, што сёньняшні ўзровень жыцьця ў Польшчы значна вышэйшы, чымсьці ў Беларусі.
“Наша ніва” паведамляе пра адкрыцьцё 25 чэрвеня ў Санкт-Пецярбурзе 13-й міжнароднай канфэрэнцыі беларусістаў, якую будзе ладзіць доктар філялягічных навук Мікола Нікалаеў. Спадара Нікалаева газэта называе “беларусістам №1 у Расеі” і прапаноўвае інтэрвію зь ім. Ці шмат месца беларуская тэма займае ў расейскай навуцы? Ці пакутуе гэтая навука на імпэрскую хваробу? Як цяпер выглядаюць справы зь беларусазнаўчымі дасьледаваньнямі у Расеі? Адказы Міколы Нікалаева на гэтыя і іншыя пытаньні і можна будзе знайсьці ў сьвежым нумары “Нашай нівы”.
“Кур’ер з Барысава” друкуе дарожныя нататкі карэспандэнта гэтага выданьня Паўла Магіліна, які нядаўна пабываў у Польшчы. Аўтар дзеліцца, у прыватнасьці, сваімі ўражаньнямі пра сельскую гаспадарку суседняй краіны. Каб бліжэй пазнаёміцца з аграрным сэктарам Польшчы, барысаўскі журналіст наведаў адну з фэрмэрскіх гаспадарак. Польскія сяляне, якія вядуць сваю гаспадарку на 20-гектарным надзеле зямлі, атрымліваюць на ёй па 60-70 цэнтнэраў збожжа з гектара. Гэта прыблізна ў 2 разы вышэй за ўраджайнасьць большасьці беларускіх калектыўных сельгаспрадпрыемстваў. У польскай фэрмэрскай гаспадарцы барысаўскі журналіст пабачыў шмат тэхнікі: камбайн, тры трактары, некалькі сельгасмашынаў рознага прызначэньня. Апроч гэтага, сям’я польскага фэрмэра выкарыстоўвае для гаспадарчых патрэбаў кампутары, тры легкавыя аўтамабілі. Падсумоўваючы свае ўражаньні, карэспандэнт “Кур’еру з Барысава” прыходзіць да высновы, што сёньняшні ўзровень жыцьця ў Польшчы значна вышэйшы, чымсьці ў Беларусі.
“Наша ніва” паведамляе пра адкрыцьцё 25 чэрвеня ў Санкт-Пецярбурзе 13-й міжнароднай канфэрэнцыі беларусістаў, якую будзе ладзіць доктар філялягічных навук Мікола Нікалаеў. Спадара Нікалаева газэта называе “беларусістам №1 у Расеі” і прапаноўвае інтэрвію зь ім. Ці шмат месца беларуская тэма займае ў расейскай навуцы? Ці пакутуе гэтая навука на імпэрскую хваробу? Як цяпер выглядаюць справы зь беларусазнаўчымі дасьледаваньнямі у Расеі? Адказы Міколы Нікалаева на гэтыя і іншыя пытаньні і можна будзе знайсьці ў сьвежым нумары “Нашай нівы”.