Вязьніцу ў Гуантанама называюць “ГУЛАГам нашых часоў”, “прапагандысцкім падарункам для ворагаў ЗША”, які шкодзіць іміджу краіны. Праваабаронцы абвінавачваюць амэрыканскія ўлады ў тым, што вязьні ў Гуантанама ўтрымліваюцца без суду.
Прынамсі 14 чалавек загінулі ў мінулым месяцы ў часе антыамэрыканскіх дэманстрацыяў у Аўганістане. Пратэсты выбухнулі пасьля таго, як у часопісе “Newsweek” зьявілася інфармацыя аб выпадках “неадпаведнага” абыходжаньня ў Гуантанама з Каранам, у тым ліку і аб тым, што сьвятую кнігу мусульманаў змывалі ў каналізацыю.
Апошняе, найбольш сур’ёзнае абвінавачаньне, пасьля сьледзтва, было прызнанае беспадстаўным. Але амэрыканскае камандаваньне пацьвердзіла, што пяць выпадкаў “неадпаведнага абыходжаньня“ з Каранам усё ж мелі месца.
Гэтая інфармацыя ізноў падштурхнула да пратэстаў мусульманаў з розных краінаў сьвету.
Праціўнікі існаваньня базы кажуць, што існаваньне вязьніцы ў Гуантанама пярэчыць фундамэнтальным ідэям амэрыканскага правасудзьдзя і вяршынства закону і таму павінна быць неадкладна закрытая.
У панядзелак былы прэзыдэнт ЗША Джымі Картэр заявіў, што закрыцьцё базы прадэманструе, як важная для Вашынгтону пашана да правоў чалавека. У сваю чаргу амэрыканскі сэнатар з камітэту замежных справаў Сэнату Джозэф Бідэн заклікаў стварыць незалежную камісію, каб расьсьледаваць сытуацыю ў Гуантанама. Бідэн сказаў, што ад вязьніцы больш шкоды, чым дабра.
(Бідэн: ) “Па-мойму трэба ўрэшце закрыць гэтую вязьніцу і перавесьці вязьняў у іншае месца, выпусьціўшы тых, каго можна выпусьціць. Справа ў тым, што існаваньне вязьніцы ўплывае на ўзмацненьне антыамэрыканскіх настрояў у сьвеце і ў выніку больш амэрыканцаў знаходзяцца ў небясьпецы калі вязьніца ёсьць, чым калі б яе не было”.
Да закрыцьця вязьніцы заклікаюць аўтарытэтныя праваабарончыя арганізацыі, у тым ліку Amnesty International і ўплывовыя амэрыканскія мэдыі ў рэдакцыйных камэнтарах – напярэдадні гэта зрабіла газэта “The New York times”.
Урад ЗША, аднак, моцна абараняе неабходнасьць існаваньня вязьніцы ў Гуантанама. Супраць закрыцьця выказаліся прэзыдэнт Джордж Буш, віцэ-прэзыдэнт Дзік Чэйні і міністар абароны Доналд Рамсфэлд.
У панядзелак прадстаўнік Пэнтагону Брайан Уітман заявіў, што ягоная ўстанова ня мае плянаў закрыцьця вязьніцы ў Гуантанама.
“Там знаходзяцца шмат вельмі і вельмі небясьпечных людзей і калі іх выпусьціць дык гэтыя людзі ізноў будуць падрыхтоўваць тэрарыстычныя замахі”, – заявіў Уітман.
Прынамсі 14 чалавек загінулі ў мінулым месяцы ў часе антыамэрыканскіх дэманстрацыяў у Аўганістане. Пратэсты выбухнулі пасьля таго, як у часопісе “Newsweek” зьявілася інфармацыя аб выпадках “неадпаведнага” абыходжаньня ў Гуантанама з Каранам, у тым ліку і аб тым, што сьвятую кнігу мусульманаў змывалі ў каналізацыю.
Апошняе, найбольш сур’ёзнае абвінавачаньне, пасьля сьледзтва, было прызнанае беспадстаўным. Але амэрыканскае камандаваньне пацьвердзіла, што пяць выпадкаў “неадпаведнага абыходжаньня“ з Каранам усё ж мелі месца.
Гэтая інфармацыя ізноў падштурхнула да пратэстаў мусульманаў з розных краінаў сьвету.
Праціўнікі існаваньня базы кажуць, што існаваньне вязьніцы ў Гуантанама пярэчыць фундамэнтальным ідэям амэрыканскага правасудзьдзя і вяршынства закону і таму павінна быць неадкладна закрытая.
У панядзелак былы прэзыдэнт ЗША Джымі Картэр заявіў, што закрыцьцё базы прадэманструе, як важная для Вашынгтону пашана да правоў чалавека. У сваю чаргу амэрыканскі сэнатар з камітэту замежных справаў Сэнату Джозэф Бідэн заклікаў стварыць незалежную камісію, каб расьсьледаваць сытуацыю ў Гуантанама. Бідэн сказаў, што ад вязьніцы больш шкоды, чым дабра.
(Бідэн: ) “Па-мойму трэба ўрэшце закрыць гэтую вязьніцу і перавесьці вязьняў у іншае месца, выпусьціўшы тых, каго можна выпусьціць. Справа ў тым, што існаваньне вязьніцы ўплывае на ўзмацненьне антыамэрыканскіх настрояў у сьвеце і ў выніку больш амэрыканцаў знаходзяцца ў небясьпецы калі вязьніца ёсьць, чым калі б яе не было”.
Да закрыцьця вязьніцы заклікаюць аўтарытэтныя праваабарончыя арганізацыі, у тым ліку Amnesty International і ўплывовыя амэрыканскія мэдыі ў рэдакцыйных камэнтарах – напярэдадні гэта зрабіла газэта “The New York times”.
Урад ЗША, аднак, моцна абараняе неабходнасьць існаваньня вязьніцы ў Гуантанама. Супраць закрыцьця выказаліся прэзыдэнт Джордж Буш, віцэ-прэзыдэнт Дзік Чэйні і міністар абароны Доналд Рамсфэлд.
У панядзелак прадстаўнік Пэнтагону Брайан Уітман заявіў, што ягоная ўстанова ня мае плянаў закрыцьця вязьніцы ў Гуантанама.
“Там знаходзяцца шмат вельмі і вельмі небясьпечных людзей і калі іх выпусьціць дык гэтыя людзі ізноў будуць падрыхтоўваць тэрарыстычныя замахі”, – заявіў Уітман.