Апошнім часам Анжэліка Агурбаш зьяўляецца на публіцы выключна ў суправаджэньні расейскага сьпевака Філіпа Кіркорава, які, дарэчы, у свой час адзначыўся на “Эўрабачаньні” правалам.
Цяпер Кіркораў – прадусар выступоўкі ад Беларусі. Яшчэ адзін прадусар – Мікалай Агурбаш: муж, спонсар і спадарожнік у “прома-турах”. Амбіцыі жонкі цалкам падзяляе.
(Мікалай Агурбаш: ) “Песьня прэтэндуе на 1-3 месцы. Але мы плянуем, што зоймем найвышэйшае месца. Самы вялікі інтарэс на “Эўрабачаньні” да Анжэлікі, іншых практычна ня бачна. Вы можаце прагледзець эўрапейскую прэсу і ўбачыце: самы вялікі інтарэс – да яе. І нават песьні, зь якімі яна выступаць ня будзе, “скачваюць” з нашага сайту ў калясальнай колькасьці. Гэта сьведчыць пра ўзровень сьпявачкі і той інтарэс, які да яе існуе ў Эўропе”.
Напярэдадні бацька Філіпа Кіркорава, сьпявак Бедрос Кіркораў, досыць крытычна выказаўся ў зьвязку з глябалізацыяй “Эўрабачаньня” на прыкладзе той жа Агурбаш. На думку Кіркорава-старэйшага, выглядае досыць дзіўна, калі “нацыянальную песьню” замаўляюць кампазытарам з Грэцыі, а выконвае яе грамадзянка Расеі.
Між тым, падрыхтоўка да конкурсу ў беларускім штабе пастаўленая на сур’ёзныя рэйкі і нявольна ўзьнікае ўражаньне, што для саміх удзельнікаў неўзабаве будзе вялікім сурпрызам – чым займацца пасьля “Эўрабачаньня”? Тым часам, сама Анжэліка досыць хутка пераўвасобілася ў адну з зорак міжнароднай эстрады.
(Анжэліка Агурбаш: ) “Калі мы прыяжджаем ў Лёндан, то спыняемся ў гатэлі “Дорчэстэр”. Я жыву ў нумары, дзе жыла Мадона, дзе спыняюцца толькі вельмі высокія асобы. І гэта ня толькі мае капрызы ці магчымасьці майго мужа. Так мусіць быць: я – зорка Беларусі.
Там разуменьне “зоркі” іншае. Калі ты не адпавядаеш “зорнасьці”, да цябе ня будзе ўвага тэлебачаньня, радыё. З табой проста ня будзе ніхто размаўляць. Але ўсе разумеюць: калі чалавек жыве ў “Дорчэстэры” – гэта зорка”.
Адной з канкурэнтак Анжэлікі Агурбаш у Кіеве будзе яшчэ адна беларуска, магілеўчанка Натальля Падольская, якая выступіць за Расею.
Летась Падольская спрабавала патрапіць у фінал конкурсу ў Стамбуле ад Беларусі, аднак у выніку тэлевізійнага галасаваньня ў Турэччыну паехаў дуэт “Аляксандра і Канстанцін”. Бацька Натальлі, Юрый Падольскі, дагэтуль ня можа супакоіцца: ён перакананы, што дачку ў Беларусі “засудзілі”.
(Падольскі: ) “Чалавека летась заплявалі, пакрыўдзілі, прынізілі. Чалавек паехаў у горад, дзе вучыцца – яна атрымлівае ў Маскве прафэсійную музычную адукацыю, маючы вышэйшую юрыдычную. Адзін з прадусараў накіраваў яе на конкурс. І аказалася, што ня бацька нешта ў тым годзе прыдумаў, што за яе ў сем разоў болей прагаласавала гледачоў – амаль столькі ж, колькі за ўсіх разам. Аказваецца, гэта праўда была, і сёлетні конкурс пацьвердзіў: у вялізнай Расеі, дзе разьвіты шоў-бізнэс, дзе такая маса талентаў, дзяўчына першы раз выйшла і атрымала права выступаць ад Расеі. Аказваецца, сапраўды яе “кінулі” беларусы”.
17 траўня Анжэліка Агурбаш гэтак жа шырока (як, зрэшты, праходзіў і ўвесь яе перадконкурсны тур) адзначыць 35-ты дзень нараджэньня. У гэты дзень будуць адмененыя ўсе рэпэтыцыі, ня гледзячы на тое, што паўфінал мусіць адбыцца ўжо 19 траўня.
Цяпер Кіркораў – прадусар выступоўкі ад Беларусі. Яшчэ адзін прадусар – Мікалай Агурбаш: муж, спонсар і спадарожнік у “прома-турах”. Амбіцыі жонкі цалкам падзяляе.
(Мікалай Агурбаш: ) “Песьня прэтэндуе на 1-3 месцы. Але мы плянуем, што зоймем найвышэйшае месца. Самы вялікі інтарэс на “Эўрабачаньні” да Анжэлікі, іншых практычна ня бачна. Вы можаце прагледзець эўрапейскую прэсу і ўбачыце: самы вялікі інтарэс – да яе. І нават песьні, зь якімі яна выступаць ня будзе, “скачваюць” з нашага сайту ў калясальнай колькасьці. Гэта сьведчыць пра ўзровень сьпявачкі і той інтарэс, які да яе існуе ў Эўропе”.
Напярэдадні бацька Філіпа Кіркорава, сьпявак Бедрос Кіркораў, досыць крытычна выказаўся ў зьвязку з глябалізацыяй “Эўрабачаньня” на прыкладзе той жа Агурбаш. На думку Кіркорава-старэйшага, выглядае досыць дзіўна, калі “нацыянальную песьню” замаўляюць кампазытарам з Грэцыі, а выконвае яе грамадзянка Расеі.
Між тым, падрыхтоўка да конкурсу ў беларускім штабе пастаўленая на сур’ёзныя рэйкі і нявольна ўзьнікае ўражаньне, што для саміх удзельнікаў неўзабаве будзе вялікім сурпрызам – чым займацца пасьля “Эўрабачаньня”? Тым часам, сама Анжэліка досыць хутка пераўвасобілася ў адну з зорак міжнароднай эстрады.
(Анжэліка Агурбаш: ) “Калі мы прыяжджаем ў Лёндан, то спыняемся ў гатэлі “Дорчэстэр”. Я жыву ў нумары, дзе жыла Мадона, дзе спыняюцца толькі вельмі высокія асобы. І гэта ня толькі мае капрызы ці магчымасьці майго мужа. Так мусіць быць: я – зорка Беларусі.
Там разуменьне “зоркі” іншае. Калі ты не адпавядаеш “зорнасьці”, да цябе ня будзе ўвага тэлебачаньня, радыё. З табой проста ня будзе ніхто размаўляць. Але ўсе разумеюць: калі чалавек жыве ў “Дорчэстэры” – гэта зорка”.
Адной з канкурэнтак Анжэлікі Агурбаш у Кіеве будзе яшчэ адна беларуска, магілеўчанка Натальля Падольская, якая выступіць за Расею.
Летась Падольская спрабавала патрапіць у фінал конкурсу ў Стамбуле ад Беларусі, аднак у выніку тэлевізійнага галасаваньня ў Турэччыну паехаў дуэт “Аляксандра і Канстанцін”. Бацька Натальлі, Юрый Падольскі, дагэтуль ня можа супакоіцца: ён перакананы, што дачку ў Беларусі “засудзілі”.
(Падольскі: ) “Чалавека летась заплявалі, пакрыўдзілі, прынізілі. Чалавек паехаў у горад, дзе вучыцца – яна атрымлівае ў Маскве прафэсійную музычную адукацыю, маючы вышэйшую юрыдычную. Адзін з прадусараў накіраваў яе на конкурс. І аказалася, што ня бацька нешта ў тым годзе прыдумаў, што за яе ў сем разоў болей прагаласавала гледачоў – амаль столькі ж, колькі за ўсіх разам. Аказваецца, гэта праўда была, і сёлетні конкурс пацьвердзіў: у вялізнай Расеі, дзе разьвіты шоў-бізнэс, дзе такая маса талентаў, дзяўчына першы раз выйшла і атрымала права выступаць ад Расеі. Аказваецца, сапраўды яе “кінулі” беларусы”.
17 траўня Анжэліка Агурбаш гэтак жа шырока (як, зрэшты, праходзіў і ўвесь яе перадконкурсны тур) адзначыць 35-ты дзень нараджэньня. У гэты дзень будуць адмененыя ўсе рэпэтыцыі, ня гледзячы на тое, што паўфінал мусіць адбыцца ўжо 19 траўня.
