Пачатку суду ўдзельнікі ланцугу неабыякавых людзей чакалі амаль тры гадзіны: доўга не было міліцэйскіх пратаколаў, потым судзьдзя Зінаіда Барцэвіч знаёмілася з матэрыяламі справы. 7 траўня каля 15-ці гадзінаў міліцыянты затрымалі Міколу Ворана, Рамана Юргеля, Юрыя Істоміна, Артура Сьмятаніна, Зьміцера Аўдзейчыка і Андрэя Янушкевіча. Чацьвёра апошніх належаць да Аб’яднанай грамадзянскай партыі. Усе яны стаялі на вуліцы і трымалі фотаздымкі Юрыя Захаранкі. Пазыцыю ўдзельнікаў акцыі патлумачыў Юры Істомін:
(Істомін:) “Гэта быў не пікет, гэта была даніна памяці Юрыя Захаранкі. Дагэтуль улада не адказала: дзе Юры Захаранка, дзе ягоны труп або які яго далейшы лёс? Што датычыць рашэньня суду, мы яго чакаем, але думаем, што яно будзе хутчэй грунтавацца не на законе, а рашэньне будзе палітычным”.
Першым у судзе разглядаўся пратакол адносна прадпрымальніка Андрэя Янушкевіча. Судзьдзя Зінаіда Барцэвіч высьветліла, што ён трымаў партрэт Юрыя Захаранкі, як яна сказала, “у раёне жывата”. Міліцыянты, якія затрымлівалі ўдзельнікаў акцыі, патлумачылі, што тыя распавядалі мінакам пра зьнікненьне Захаранкі, і што нейкія бабулькі абураліся іхнімі “незразумелымі паводзінамі”. Міліцыянты лічаць усё гэта “правапарушэньнем”.
(Істомін:) “Гэта быў не пікет, гэта была даніна памяці Юрыя Захаранкі. Дагэтуль улада не адказала: дзе Юры Захаранка, дзе ягоны труп або які яго далейшы лёс? Што датычыць рашэньня суду, мы яго чакаем, але думаем, што яно будзе хутчэй грунтавацца не на законе, а рашэньне будзе палітычным”.
Першым у судзе разглядаўся пратакол адносна прадпрымальніка Андрэя Янушкевіча. Судзьдзя Зінаіда Барцэвіч высьветліла, што ён трымаў партрэт Юрыя Захаранкі, як яна сказала, “у раёне жывата”. Міліцыянты, якія затрымлівалі ўдзельнікаў акцыі, патлумачылі, што тыя распавядалі мінакам пра зьнікненьне Захаранкі, і што нейкія бабулькі абураліся іхнімі “незразумелымі паводзінамі”. Міліцыянты лічаць усё гэта “правапарушэньнем”.
