ТУЛЮЗА. Найбуйнейшы ў сьвеце пасажырскі самалёт – Аэробус А380 супольнай эўрапейскай вытворчасьці – сёньня пасьля першага выпрабавальнага палёту прызямліўся ў Тулюзе. Максымальная ўмяшчальнасьць Аэробуса – 853 пасажыры. Пасьля сэрыі выпрабаваньняў празь некалькі месяцаў самалёт можа распачаць камэрцыйныя палёты. Стваральнікі Аэробуса спаборнічаюць з амэрыканскай кампаніяй “Боінг”, якая робіць стаўку на меншыя авіяляйнэры з большай лётнай дыстанцыяй.