ТБІЛІСІ. У Грузіі сёньня адзначаюць чарговыя ўгодкі трагічных падзеяў 1989 году, калі ў часе разгону войскамі мітынгу ў Тбілісі загінулі дзясяткі людзей. 9 красавіка афіцыйна абвешчанае Днём памяці і прымірэньня. Да мэмарыялу ахвяраў сотні людзей прыносілі кветкі. Адначасна ля будынку расейскай амбасады адбылася моладзевая акцыя пратэсту супраць прысутнасьці расейскіх войскаў на тэрыторыі Грузіі.