САФІЯ. Прэзыдэнт Баўгарыі Георгі Парванаў заявіў сёньня, што да канца гэтага году ягоная краіна вывядзе зь Іраку свой вайсковы кантынгент – 450 чалавек. Заява Парванава сьведчыць пра ўсё большае незадавальненьне розных пластоў грамадзтва, якія патрабуюць вызначэньня дакладнай даты вываду вайскоўцаў. Два тыдні таму амэрыканскія вайскоўцы выпадкова застрэлілі ў Іраку баўгарскага салдата.