ХАНОЙ. Віетнамскія лекары мяркуюць, што адбыўся ўжо другі выпадак заражэньня “птушыным грыпам” мэдсястры ад пацыента. Яна шпіталізаваная. Разам на поўначы Віетнаму ад гэтай хваробы памерлі ўжо 46 чалавек. На думку адмыслоўцаў, калі вірус “птушынага грыпу” ў выніку мутацыі будзе лёгка перадавацца людзям, у сьвеце выбухне пандэмія гэтай хваробы, што можа пацягнуць за сабою мільёны ахвяраў.