ВАТЫКАН: Ватыкан апублікаваў відэа-стужку з прамовай Яна Паўла Другога. Гэта першае публічнае выступленьне Папы з часу як 2 тыдні таму ён прайшоў аперацыю на горла. 24 лютага з прычыны праблемаў з дыханьнем ён чарговы раз быў перавезены ў рымскую клініку Джэмэльлі. Ягоны голас у часе прыватнай Імшы ў шпітальным пакоі адносны моцны і выразны. Учора прадстаўнік Ватыкану паведаміў, што Папа застанецца ў клініцы Джэмэльлі яшчэ некалькі дзён, але ён мае намер вярнуцца ў Ватыкан напярэдадні Вялікага Тыдня, які пачынаецца 20 сакавіка.