РЫМ. Італія хоча ведаць усю праўду аб абставінах гібелі ў Іраку супрацоўніка спэцслужбаў Ніколы Каліпары. З гэтай заявай выступіў у парлямэнце прэм’ер-міністар Італіі Сільвіа Берлусконі, дадаўшы, што ён мяркуе, што ЗША не зьбіраюцца нічога хаваць. Нікола Каліпары быў забіты ў Багдадзе ў мінулую пятніцу. Амэрыканскія вайскоўцы адкрылі агонь па машыне, у якой Каліпары ехаў з толькі што вызваленай з палону журналісткай Джуліанай Сгрэнай. ЗША пачалі расьсьледаваньне абставін трагедыі.